مشاركة عن رياضة روحية من رفاق القوصية

الرياضة دى كانت بالنسبه لى، فرصة الاقى فيها جو يساعدنى علشان اقعد مع يسوع اللى كان واحشنى جدا  خصوصاً مع زحمة الامتحانات ، وبعدها أنشطة الاجازة  اللى كانت واخده وقتى وتفكيرى .

انا فى الرياضة دى قدرت اكون مع يسوع فعلاً ومعاه هو وبس. حقيقى ماكنتش حاسه بوجود أى حد غيره، ولقيتنى اتقرب منه أكتر...

واتعلمت فى الرياضة دى ان كل مابأخذ خطوه أعمق مع يسوع  كل ما باقابل صعوبات اكتر، بتحاول تمنعنى، لكن كتير  كان يسوع بيساعدنى بجد، علشان اقرب منه وبيكون ساعته أجمل وأبرع. وكمان رتبة التوبة اللى عشتها فى الرياضة ساعدتنى حتى أجدد وعودى مع يسوع، وفرحت جدا لما اعترفت بخطاياى، 

وأهم حاجه فى الرياضة دى بالنسبة لى هى انى عرفت حقيقى ان يسوع اهم واجمل شيء فى حياتي، انا بحبه خالص.          

بقلم شيرى انطون مجموعة سهاره القوصية