أعزاءنا رفاق الكرمة،،،
احنا فكرنا مع بعض فى اللجنة ازاى ممكن ننظم اليوم بطريقة لطيفة للناس كلها وايه اللى ممكن يقربنا من بعض اكثر وان الكل يحضر ويشارك طبعاً، احنا عارفين ان الظروف المحيطة بتقيد حريتنا فى اختيار المكان فالتزمنا بنفس المكان فى مدرسة القلب المقدس بغمرة، ونأمل بعد استقرار الامور نبتدى نتحرك مع بعض شوية خارج نطاق المدارس...
احنا غيرنا من طريقة عرض الموضوع شوية، وحاولنا الى حد ما ان المجاميع كلها تشارك فى تحضير اليوم: مثلاً فى تحضير الغذاء. لنأكل معاً بعد نجاح اليوم اللى عملنا فيه مع بعض الأكلات، كان فعلا يوم لذيذ وكمان غيرنا فى طريقة عرض الموضوع.
البرنامج هيكون كالاتى:-
الموضوع: عن الانتماء (انتمائى لبلدى – للرفاق – لأسرتى)
9:15 التجمع
9:30 الفطار هناكل مع بعض فول وطعمية
10:00 هنعمل لعبة تعارف صغيرة لان فيه ناس متعرفش بعض
10:30 فيلم صغير - كل مجموعة هتشارك بصور بتعبر عن الانتماء
(مطلوب من كل مجموعة تحضيرها) شهادات حياة (امثلة من الرفاق)
12:00 وقت شخصى
12:30 مشاركة فى المجموعات
01:30 لعبة
02:00 القداس (الالتزام)
03:00 الغذاء (كل مجموعة هتشارك بحاجة)·
ياريت لو حد عنده اى اقتراح جميل يتصل باى حد من اللجنة
سلام وإلى اللقاء